PETRUS

Zuzendaria
HELENA BENGOETXEA

Errealizadorea da, diseinatzaile editoriala, irakaslea eta kazetaria, ikasketa feministetako masterra (Bartzelonako Unibertsitatea – DUODA) eta Ikus-entzunezko Komunikazioko masterra (EHE-EHU eta EiTB). Zinema dokumental sortzailea ikasi zuen San Antonio de los Bañosko (Kuba) Nazioarteko Zinema eta Telebista Eskolan, eta hainbat mintegi erreferentzialetan osatu du ikus-entzunezko prestakuntza, besteak beste, Robert McKee, Mercedes Álvarez, Carmen Guarini, Nicolas Philipbert, Pedro Costa eta Patricio Guzmanekin. Hainbat kolektibo eta gizarte-erakunderekin egin ditu ikus-entzunezko proiektuak, besteak beste, feminismoa, memoria historikoa, lankidetza eta garapenerako hezkuntzaren arloan. Bartzelonako Centre La Bonne zentroaren hainbat transmedia proiektutan eta ikus-entzunezko narrazio berritan lan egiten du 2005az geroztik. Gaur egun, bertan ikus-entzunezko laborategi bat koordinatzen du Lola Mayorekin batera.

Ekoizpena
MARÍA GUZMÁN LIGORIT

Giza Zientzietako lizentziaduna Nafarroako Unibertsitatean, Kultur Kudeaketan espezializatuta, eta Kultur Kudeaketako masterra: Musika, Antzerkia eta Dantza, Madrilgo Unibertsitate Konplutentsean. Produkzio eta zuzendaritza artistikoko laguntzaile aritu da film laburretan eta hainbat bideoklipetan, eta kultur kudeatzaile gisa hainbat entitate eta administrazio publikorentzat. Produkzio lanak ere egin ditu erreferentziazko hainbat espaziotan, hala nola Seminci, SSIFF, Edinburgh International Film Festival edo Punto de Vista. Gaur egun, Natxo Leuzaren “Drogas. El documental”-ean ari da lanean, Ekoizpen zuzendari.

Argazki zuzendaritza
RUBÉN MARCILLA LÓPEZ DE DICASTILLO

Eskarmentu handiko ikus-entzunezko zuzendari eta produktorea da, eta hainbat gairi buruzko dokumentazio-lanak egin ditu, besteak beste, memoria historikoa, gizarte-ekonomia, etnografia eta ondare ez-materiala, ekologia eta antimilitarismoa. HARURU FILMAK-en buru sorreratik, streaming bidez bideoak egiten espezializatuta dago, baita hainbat erakunde eta entitate publikorentzat kontzertuak eta bestelako ikus-entzunezko ekitaldiak zuzenean egiten ere. 80ko hamarkadaren erdialdetik aurrera, aktiboki parte hartu du tokiko irratietan eta ikus-entzunezko komunikazioko kolektiboetan eta, hainbat proiektu kolektibotan ekoizpen eta egile-lanaz arduratzeaz gain, ikus-entzunezko aholkularitza-lanak ere egin ditu gizarte eta auzo-mugimenduentzat.

Zuzeneko soinua
KRISTINA ESTEBAN BLANCO

Sonidista eta argitzailea. Argazkigintzako Arte Plastiko eta Diseinuko goi-mailako teknikaria. Eskulturari Aplikatutako Arteen (Valladolideko Arte Eskola) eta Diseinu grafiko eta barnealdekoen ikasketak ere (Valladolideko Platón Eskola) egin ditu.

Esperientzia profesional handia du zuzeneko ikuskizunetan eta musika-jaialdietan, telebistarako errealizazioa egiten eta Baluarte, Nafarroako Parlamentua edo BECerako kultura-ekitaldiak sonorizatzen eta argiztatzen, besteak beste, arte eszenikoetan, musika klasikoko kontzertuetan edo opera-emanaldietan.

Jatorrizko musika
IÑIGO PÉREZ ARTIEDA

Musika ekoizlea, konpositorea, moldatzailea, soinu teknikaria, kanta-idazlea eta interpretea. Musika-ekoizpenean esperientzia handia izan du, “Conencta Fiction”-erako piezak ere ekoitzi ditu, eta NAPARen sustapen-bideoei musika jarri die. Lúnula izeneko estudioen sortzailea, zeinetan nazioarteko musikari eta artistekin lankidetzan ari baita.

Muntaketa
MARÍA CALLE GUERRERO

Azken 14 urteotan, editore, gidoilari eta aholkulari aritu da ikus-entzunezko hedabideetan, proiektu dokumentaletan, fikzioan, bideoartean eta publizitatean. Literatura eta Zinea ikasi zuen, eta honako tailer hauetan hartu du parte: Gidoi idazketa ECAMen, Dokumental-mintegia Patricio Guzmanekin, Zinemarako idazketa-tailerra «El País»-en Kazetaritza Eskolan, eta Lantegi Multinazionaleko Gela Birtualeko “Nola estimatu lan zinematografikoa: azterketa eta idazketa” tailerra. «Arte al día México» aldizkarian kolaborazioak egin ditu, artean eta bideoan espezializatutako artikuluak ikertzen eta idazten. Mexiko (2007-2011). Di@metro proiektua izeneko bideo-arte galeriaren ontzailea, Mexiko hiriko metroan (2006-2008). “Videopopuli” kolektiboaren sortzailea. Azken hauekin bideoarte eta arte elektronikoen eremuan lau jaialdi antolatu zituen Kolonbian, Mexikon eta Alemanian.

Soinu diseinua eta postprodukzioa
DANIELA FUNG MACCHI

Ikus-Entzunezko Produkzioan teknikaria (estudioan dagoen musikaren grabazio, edizio eta nahasketa, ikus-entzunezko piezen postprodukzioa) Caracaseko (Venezuela) Taller de Arte Sonoron, eta San Antonio de los Bañosko (Kuba) EICTVn graduatua Soinuaren espezialitatean. Besteak beste, Mario Nazoa eta Eduardo “Chubby” Lopera soinularientzako egin du lan laguntzaile gisa. Stage Manager eta Nahasketa laguntzaile aritu da Venezuelako Orkestra eta Koruen Sistemako hainbat talderen grabazio musikaletarako, eta diskografia-ekoizpenetarako grabazio-laguntzaile eta, operak zuzenean erregistratzeko laguntzaile gisa Karakaseko Fundamusical Bolívar (El Sistema) rentzat.

Komunikazioa
OROITZ ZABALA CIA

Kazetaritzan lizentziaduna Euskal Herriko Unibertsitatean eta Komunikazio Korporatiboko masterra, protokoloa eta ekitaldiak Universitat Oberta de Catalunyan. 10 urte baino gehiago eman ditu komunikazio korporatibo eta instituzionalean, Nabarreria.com, Eguzki Irratia eta Ahotsa.info bezalako komunikabideetan kolaboratu du eta hainbat herri mugimenduren komunikazio lanean parte hartu du.